بھارت کے کپتان وراٹ کوہلی سمیت دنیا کے معروف کرکٹروں نے نیا سال اپنی فیملی کے ساتھ منایا اور انہوں نے نئے سال منانے کی تصویریں اپنے مداحوں کے ساتھ شیئر بھی کی۔
وراٹ اور ان کی اداکارہ بیوی انوشکا شرما نے سوئزرلینڈ میں بالی وڈ کی دیگر مشہور شخصیات سیف علی خان اور ان کی بیوی کرینہ کپور خان اور ورون دھون کے ساتھ نیا سال منایا۔
بھارت کرکٹ کے اسٹارجوڑےنے تصاویر اور ویڈیوز شائقین کے ساتھ شیئر کیا۔
سابق بھارتی کپتان مہندر سنگھ دھونی اور ان کی بیوی ساکشی نے بھی نیا سال منانے کی تصویرشیئر کی۔
محدود اوورز کی بھارتی ٹیم کے نائب کپتان روہت شرما نے اپنی بیوی ریتیکا سجدیہ اور بیٹی سمارا کے ساتھ تصویر انسٹاگرام پر پوسٹ کی۔
آسٹریلوی بلے باز اسٹیون اسمتھ نے اپنی بیوی دانی ولس کے ساتھ نئے سال کی تصویر شیئر کرتے ہوئے شائقین کو نئے سال کی مبارکباد دی۔
بھارتی بلے باز چتیشور پجارا نے اپنی بیوی اور بیٹی کے ساتھ تصویر پوسٹ کرتے ہوئے ہیپی نیو ایئر کہا۔
بھارتی فاسٹ بولر امیش کی بیوی تانیا نے بھی نیا سال منانے کی تصویر پوسٹ کی۔ سابق آسٹریلوی کپتان رکی پونٹنگ نے جو تصویر پوسٹ کی ہے اس میں وہ اپنی بیوی کے ساتھ ایک کھیت میں کھڑے نظر آ رہے ہیں۔
سابق کرکٹر اور اب مشرقی دہلی سے ممبر پارلیمنٹ گوتم گمبھیر نے بیوی اور بچوں کے ساتھ تصویر پوسٹ کی۔
