انگلینڈ اور پاکستان کے مابین 28 اگست کو مانچسٹر میں پہلے ٹی 20 میچ سے قبل شدید بارش کی پیشنگوئی کی گئی ہے۔
برطانوی میڈیا نے بتایا ہے کہ شدید بارش کے باعث سیریز کے پہلے میچ کا انعقاد خطرے میں پڑگیا ہے۔ موسلادھار بارش کے باعث عین ممکن ہے کہ میچ کا ٹاس بھی نہ ہوسکے۔
خیال رہے کہ اس سے قبل ٹیسٹ سیریز کے دوران بھی بارش نے میچوں میں خلل ڈالا تھا اور شدید بارش کے باعث دوسرے اور تیسرے ٹیسٹ بغیر نتیجہ ہی ختم ہوگئے تھے۔
تاہم اب پاکستان اور انگلینڈ کے مابین کھیلی جانے والی ٹی 20 سیریز کا پہلا میچ بھی بارش کے باعث منسوخ ہوجانے کا امکان ہے۔
واضح رہے کہ انگلینڈ اور پاکستان کی کرکٹ ٹیموں کے درمیان تین بین الاقوامی ٹی 20 میچوں پر مشتمل سیریز کا پہلا میچ جمعہ کو اولڈ ٹریفورڈ، مانچسٹر میں کھیلا جائے گا۔ یہ میچ ڈے اینڈ نائٹ ہوگا۔
