انگلینڈ میں منعقد ہونے والے یک روزہ عالمی کپ میں خراب کارکردگی کی وجہ سے تنقید کا شکار بننے والے پاکستان کرکٹ ٹیم کے کپتان سرفراز احمد کو ٹیم کی قیادت سے دستبردار کئے جانے کی باتیں گشت کر رہی تھیں لیکن پاکستان کرکٹ بورڈ نے ان کے عہدے کو بحال رکھا ہے۔
سرفراز احمد سری لنکا کے خلاف رواں ماہ کراچی اور لاہور میں 3 یک روزہ اور 3 ٹی - 20 میچوں کے لیے پاکستان ٹیم کی قیادت کریں گے۔
واضح رہے کہ پاکستانی ٹیم انگلینڈ میں ہونے والے عالمی کپ میں سیمی فائنل میں داخلہ حاصل نہیں کر سکی تھی۔
پاکستان کرکٹ بورڈ (پی سی بی) نے سرفراز کو سیریز در سیریز کارکردگی کی بنیاد پر کپتان مقرر کر رہا تھا اور اس بات کی قیاس آرائی کی جا رہی تھی کہ عالمی کپ کے سیمی فائنل میں نہ پہنچنے کے بعد انہیں کپتان کے عہدے سے ہٹا یا جا سکتا ہے۔
پی سی بی نے عالمی کپ کے بعد ٹیم کے ہیڈ کوچ مکی آرتھر کو عہدے سے برطرف کر دیا تھا لیکن 32 سالہ وکٹ کیپر بلے باز سرفراز کو کپتان کے عہدے پر برقرار رکھا ہے۔
سرفراز احمد نے اپنی گزشتہ 29 اننگز میں 32 کے اوسط سے 621 رنز بنائے ہیں۔
اس کے علاوہ پی سی بی نے 24 سالہ بابر اعظم کو دونوں فارمیٹ میں ٹیم کا نائب کپتان بنایا ہے، پی سی بی نے حال ہی میں مصباح الحق کو ٹیم کا نیا کوچ بنایا تھا۔
