سچن آئی سی سی ہال آف فیم میں

سابق بھارتی سلامی بلے باز سچن رمیش تندولکر کو انٹرنیشنل کرکٹ کونسل (آئی سی سی )نے ہال آف فیم میں شامل کیا ہے۔ اس کے ساتھ ہی ہال آف فیم میں شامل ہونے والے یہ چھٹے بھارتی کرکٹر بن گئے ہیں۔

سچن تندلکر کے علاوہ جنوبی افریقہ کے سابق تیز گیند باز ایلن ڈونلڈ اور آسٹریلیا کی سابق تیز گیند باز کیتھرین فیٹز پیٹرک کو بھی اس میں شامل کیا گیا ہے۔

بشکریہ ٹویٹر

بھارتی کرکٹر بشن سنگ بیدی، کپل دیو، سنیل گاوسکر، انل کمبلے اور راہل دراوڑ کے بعد ماسٹر بلاسٹر سچن تندلکر کو آئی سی سی ہال آف فیم میں شامل کیا گیا ہے۔ 16 سال کی عمر میں کرکٹ کی دنیا مین قدم رکھنے والے سچن رمیش تندلکر 100 سینچری بنانے والے واحد کھلاڑی ہیں۔ انھوں نے ٹیسٹ میں 51 اور یک روزہ میں 49 سینچری بنائے ہیں۔ اس کے ساتھ ہی سب سے زیادہ ٹیسٹ میں رنز کا ریکارڈ بھی سچن کے نام ہے۔ 200 ٹیسٹ میچوں کی 329 اننگز میں 15921 رنز بنائیں ہیں۔ جس میں سب سے بڑا اسکور 248 کا ہے۔وہیں یک روزہ میں 18426 رنز بنائیں ہیں جس میں انکا بڑا اسکور 200 رنز کا ہے۔ انھوں نے انٹرنیشنل کرکٹ میں 34357 رنز بنائیں ہیں۔ اس فہرست میں دوسرا نام سری لنکا کے کمار سنگاکارا ہیں۔