افغانستان اور بنگلہ دیش کے مابین جاری ٹیسٹ میچ میں افغانستان ٹیم نے کپتان راشد خان کی شاندار گیندبازی کی بدولت میزبان بنگلہ دیشی ٹیم کو 205 رنز پر آؤٹ کر دیا تھا۔
راشد خان نے پہلی اننگ میں پانچ وکٹیں حاصل کی تھیں جبکہ انہوں نے بلے بازی کرتے ہوئے 51 رنز بھی بنائے تھے۔
اسی کے ساتھ ہی راشد خان بطور کپتان اپنے پہلے ہی میچ میں پانچ وکٹ لینے اور نصف سنچری بنانے والے دنیا کے چوتھے کپتان بن گئےہیں۔
اس فہرست میں پاکستان کے سابق کپتان عمران خان، انگلیند کے سابق کپتان شیلڈن جیکسن اور بنگلہ دیش کے سابق کپتان شکیب الحسن کا نام شامل ہے۔
راشد خان نے پہلی اننگ میں 61 گیندوں میں 51 رنز بنائے تھے جبکہ انہوں نے بنگلہ دیش کے 5 بلے بازوں کو پویلین کی راہ دکھائی تھی۔
اس کے علاوہ راشد خان ٹیسٹ کرکٹ کی تاریخ میں ایک میچ میں پانچ وکٹیں لینے اور نصف سنچری بنانے والے سب سے کم عمر کپتان بھی بن گئے ہیں جبکہ انہوں اس میچ میں کپتانی کے فرائض انجام دینےکے ساتھ ہی سب سے کم عمر میں ٹیسٹ ٹیم کی قیادت کرنے کا ریکارڈ بھی اپنے نام کیا ہے اس سے قبل ٹیسٹ کرکٹ میں سب سے کم عمر میں ٹیم کی قیادت کا ریکارڈ زمبابوے کے سابق کپتان تاتندا تائیبو کے نام تھا جنہوں نے سنہ 2004 میں یہ ریکارڈ بنایا تھا، تائیبو نے 20 برس 358 دن کی عمر میں یہ ریکارڈ بنایا تھا جبکہ راشد خان نے 20 برس نے 20 برس 350 دنوں کی عمر میں ٹیم کی قیادت کی۔
