اس جیت کے ساتھ کراچی کنگس پانچ میچوں میں چھ پوائنٹ کے ساتھ تیسری پوزیشن پرپہنچ گئی ہے جبکہ پشاور زلمی پانچیوں پوزیشن پر ہے۔
پشاور زلمی کے آٹھ وکٹوں کے نقصان پر 151 رنوں کے ہدف کے تعاقب میں کراچی کنگس کی شروعات مایوس کن رہی اورچار رنوں کے مجموعی اسکور پر شرجیل خان آؤٹ ہوگئے۔
اس کے بعد بابر اظم اور الیکس ہیلس نے شاندار بلے بازی کا مظاہرہ کرتے ہوئے دوسرے وکٹ کے لئے 104 رنوں کی شراکت داری کی۔
الیکس ہیلس 27 گیندوں پر چھ چوکوں اور دو چھکوں کی مدد سے 49 رن بنا کر آ ؤٹ ہو ئے۔ اس کے بعد ڈیلپورٹ بھی دورن بنا کر چلتے بنے۔
والٹن 22 رن بنا کر پویلین لوٹ گئے۔ دوسرے اینڈ سے بابراعظم شاندار بلے بازی کرتے ہوئے 59 گیندوں پر 10 چوکوں کی مدد سے 70 رنوں کی ناٹ آ ؤٹ اننگز کھیلی۔
کراچی کنگس نے 18.1 اوورز میں چار وکٹوں کے نقصان پر 152 رن بنا کر میچ جیت لیا۔
پشاور زلمی کی جانب سے یاسرشاہ کو دو جبکہ کارلوس بریتھویٹ اور حسن علی کو ایک ایک وکٹ ملا۔
اس سے قبل کراچی کنگس نے ٹاس جیت کر پشاورزولمی کو پہلے بیٹنگ کرنے کی دعوت دی ۔
پشاور زلمی شروعات مایوس کن رہی اور 10 رنوں کے مجموعی اسکور پر تین اہم بلے بازآؤٹ ہو کر یویلین لوٹ گئے۔
پشاورزلمی کی جانب سے شعیب ملک نے 55 گیندوں پر چھ چوکوں اور ایک چھکے کی مدد سے 68 رنوں کی اننگز کھیل کر آؤٹ ہوئے۔ اس کے علاوہ لیومگ اسٹون(25 رن) اور گروگری(25 رن) بنا ئے۔
کراچی کنگس کی جانب سے محمد عامر نے شاندار بالنگ کا مظاہرہ کرتے ہوئے چار وکٹ حاصل کئے۔ اس کے علاوہ کرس جارڈن کو دوجبکہ عامر امین اور عامر خان کو ایک ایک وکٹ ملا۔
