جوہانسبرگ میں کھیلے گئے ٹی 20 سیریز کے پہلے میچ میں جنوبی افریقہ نے ٹاس جیت کر پہلے بلے بازی کرتے ہوئے جنوبی افریقہ نے سلامی بلے باز ایڈن مارکرم کے 51 رنز اور کپتان ہینرک کلاسین کے 50 رن کی بدولت مقررہ 20 اوورز میں 6 وکٹ پر 188 رن کا چیلنجنگ اسکور بنایا لیکن پاکستان ٹیم نے 19.5 اوور میں 6 وکٹ کھو کر ہدف حاصل کر لیا۔
پاکستان کی جانب سے سلامی بلے باز رضوان نے 50 گیندوں میں 9 چوکوں اور 2 چھکوں کی مدد سے 74 رنز کی ناٹ آوٹ میچ فاتح اننگز کھیلی۔
محمدرضوان کو ان کی شاندار اننگز کی بدولت پلیئر آف دی میچ کا ایوارڈ دیا گیا۔ اس کے علاوہ فہیم اشرف نے 14 گیندوں مین 4 چوکوں اور ایک چھکے کی مدد سے 30 رنز بنائے۔
یک روزہ سیریز میں رنوں کا انبار لگانے والے فخر زمان نے اس میچ 27 رنز بنائے اور اننگز کے 10 ویں اوور کی آخری گیند پر آؤٹ ہوئے جبکہ محمد حفیظ اپنے 100 ویں میچ کو یادگار بنانے میں ناکام رہے اور محض 13 رنز ہی بنا سکے۔ انہیں تبریز شمسی نے آؤٹ کیا۔
