ایشیز سیریز کا دوسرا ٹیسٹ شروع ہونے سے پہلے ہی موسلادھار بارش ہوئی جس کی وجہ سے ٹاس بھی نہیں ہوسکا جبکہ مسلسل بارش کی وجہ سے امپائروں کو پہلے دن کا کھیل منسوخ کرنا پڑا۔
حالںکہ موسم صاف ہونے کی توقع ظاہر کی جا رہی ہے لیکن ٹیسٹ کا پہلا دن بارش کی نذر ہوگیا۔
واضح رہے کہ پانچ ٹیسٹ میچوں کی سیریز میں آسٹریلیا 0-1 سے آگے ہے۔
ایشیز سیریز آئی سی سی ٹیسٹ چیمپیئن شپ کی پہلی سیریز ہے اور اس کا پہلا میچ آسٹریلیا نے 241 رنز سے اپنے نام کیا تھا۔
انگلینڈ کے تجربہ کار گیند باز جیمس اینڈرسن کا زخمی ہونا ٹیم کے لیے مایوس کن بات ہے جبکہ ان کی جگہ یک روزہ عالمی کپ کے ہیرو جوفرا آرچر کو ٹیم میں شامل کیا گیا ہے اس کے علاوہ سیم کیورین اور جیک لیچ کی ٹیم میں واپسی ہوئی ہے۔
آسٹریلیائی ٹیم میں جیمس پیٹنسن کی جگہ عالمی کپ 2019 کے سب سے کامیاب گیندباز مشیل اسٹارک کو ٹیم واپس لایا گیا ہے جس سے گیند بازی شعبہ مزید مضبوط ہوگا۔
