بھارت اور نیوزی لینڈ کے مابین تین میچوں کی یک روزہ سیریز کے تیسرے اور آخری میچ میں آج بھارت اپنا وقار برقرار رکھنے کے ارادے سے میدان میں اترے گا۔
واضح رہے کہ نیوزی لینڈ نے بھارت کو 0۔2 سے شکست دے کر یک روزہ سیریز اپنے نام کرلیا ہے اور وہ آخری مقابلہ جیت کر بھارتی ٹیم سے ٹی ۔ 20 سیریز میں ملی 5۔0 کی شکست کا بدلہ لینا چاہے گا جبکہ بھارتی ٹیم یہ میچ اپنا وقار بچانے کے ارادے سے کھیلے گی۔
ٹی ۔20 سیریز میں عمدہ کارکردگی کا مظاہرہ کرنے والی بھارتی ٹیم یک روزہ سیریز میں ناکام ثابت ہوئی اور اسے پہلے دو مقابلوں میں کیوی ٹیم سے شکست کھانی پڑی۔ پہلے مقابلے میں بھارتی ٹیم نے بلے بازی کا شاندار مظاہرہ کیا لیکن اس کی گیندبازی خراب رہی اور اسے شکست کا سامنا کرنا پڑا جبکہ دوسرے مقابلے میں ٹیم کی بلے بازی بھی مکمل طور پر ناکام رہی۔
تیسرے یک روزہ میچ کے لیے دونوں ٹیمیں۔
نیوزی لینڈ:
مارٹن گپٹل، ہنری نکولس، کین ولیم سن(کپتان)، راس ٹیلر، ٹام لیتھم، جیمز نیشام، کولن ڈی گرینڈھوم، مچل سینٹنر، ٹم ساؤدی، کائل جیمسن اور ہیمش بینیٹ
بھارتی ٹیم:
پرتھوی شا، مینک اگروال، وراٹ کوہلی (کپتان)، شرییئس ایئر، منیش پانڈے، لوکیش راہول، رویندر جڈیجا، شاردل ٹھاکر، نویدیپ سینی، یوزویندر چہل اور جسپرت بمراہ
