نیوزی لینڈ خواتین کرکٹ ٹیم کا آسٹریلیا دورہ

نیوزی لینڈ کی خواتین کرکٹ ٹیم رواں ماہ آسٹریلیا کا دورہ کرے گی۔ نیوزی لینڈ خواتین ٹیم اپنے دورہ آسٹریلیا کے دوران میزبان ٹیم کے خلاف تین ٹی ٹوئنٹی اور تین ون ڈے میچوں کی سیریز کھیلے گی۔

نیوزی لینڈ اور آسٹریلیا ٹیموں کے درمیان ٹی ٹوئنٹی سیریز کا پہلا میچ 26، دوسرا 27 جبکہ تیسرا اور آخری ٹی ٹوئنٹی میچ 30 ستمبر کو کھیلا جائے گا۔

تین ٹی ٹوئنٹی میچز کی سیریز کے بعد دونوں ٹیموں کے درمیان تین ون ڈے میچوں کی سیریز کا پہلا میچ 3 اکتوبر، دوسرا 5 اکتوبر جبکہ تیسرا اور آخری ون ڈے انٹرنیشنل میچ 7 اکتوبر کو کھیلا جائے گا۔

دونوں ٹیموں کے درمیان ٹی ٹوئنٹی اور ون ڈے سیریز کے تمام میچ برسبین میں کھیلے جائیں گے۔