ابھی انگلینڈ کرکٹ ٹیم انتظامیہ کپتان مورگن کے زخمی ہونے کہ خبر سے پوری طرح نکل بھی نہیں پائی تھی کہ مزید چار کھلاڑیوں کے زخمی ہونے سے تشویش میں مبتلا ہوگئی ہے۔
کپتان ایون مورگن جمعہ کے روز پریکٹس کے دوران انگلی میں فریکچر ہونے کی وجہ سے وارم اپ میچ میں شرکت نہیں کر سکے تھے۔
مورگن کے علاوہ ان جوفرا آرچر، عادل رشید اور مارک ووڈ بھی پریکٹس کے دوران زخمی ہو گئے ہیں۔
آرچر اور ووڈ گزشتہ روز آسٹریلیا کے خلاف کھیلے گئے وارم اپ میچ کے دوران زخمی ہو گئے ہیں۔
میچ میں اپنا چوتھا اوور ڈال رہے مارک ووڈ زخمی ہوئے تھے اور ان کی جگہ جوفرا آرچر میدان پر فیلڈنگ کرنے آئے لیکن وہ بھی زخمی ہو گئے۔
آرچر کے زخمی ہونے کے بعد انگلینڈ ٹیم کے سابق کپتان اور موجودہ اسسٹنٹ کوچ پال کولنگ ووڈ فیلڈنگ کرنے میدان پر آئے تھے۔
انگلینڈ اینڈ ویلز کرکٹ بورڈ کی جانب سے جاری بیان میں کہا گیا کہ مارک ووڈ کو پیر میں چوٹ لگی ہے اور اب ووڈ میڈیکل ٹیم کے ساتھ کچھ وقت گزاریں گے تا کہ جلد سے جلد چوٹ سے ابھر سکیں۔
اس کے علاوہ اسپن گیندباز عادل رشید بھی پریکٹس کے دوران زخمی ہوئے ہیں اور ان کا علاج جاری ہے۔
