سابق کرکٹر اور ریاستی وزیر لکشی رتن شکلا کی اہلیہ کے کورونا سے متاثر ہونے کے بعد اب ان کے بڑے بیٹے بھی کورونا سے متاثر ہوگئے ہیں۔
وہیں لکشمی رتن شکلا کی اپنی رپورٹ منفی آئی ہے۔
وزیر مملکت برائے کھیل اور ہوڑہ ضلع ترنمول کانگریس کے صدر لکشمی رتن شکلا اس وقت اپنے گھر میں ہی قرنطینہ میں ہیں۔
لکشمی رتن شکلا نے گزشتہ دنوں بتایا 'ان کی اہلیہ کی رپورٹ منفی آگئی ہے۔ اب ان کے بڑے بیٹے کی رپورٹ میں کورونا ہونے کے بعد وہ ایک بار پھر قرنطینہ میں چلے گئے ہیں۔
لکشمی رتن شکلا نے کہا 'ان کی اہلیہ سمیتا شکلا جو مغربی بنگال حکومت میں سینئر آفیسر ہیں گزشتہ تین مہینے سے فرنٹ لائن پر کام کررہی ہیں۔ 10جولائی کو ان کی رپورٹ مثبت آئی ہے۔
یہ بھی پڑھیے
رافیل طیاروں کی پہلی کھیپ 29 جولائی کو بھارت پہنچ جائے گی
واضح رہے کہ مغربی بنگال میں کووڈ-19 سے اب تک 58 ہزار 718 افراد متاثر ہو چکے ہیں جبکہ 1 ہزار 372 افراد ہلاک ہو چکے ہیں۔
وہیں ریاست میں اب تک 37 ہزار 751 افراد اس مہلک وبا سے صحتیاب ہو چکے ہیں۔
