آ ر پریما داسا اسٹیڈیم میں کھیلے جارہے پہلے ون ڈے میں میزبان ٹیم سری لنکا نے بنگلہ دیش کے خلاف ٹاس جیت کر پہلے بیٹنگ کرنے کا فیصلہ کیا۔ ابھیشکا فرنانڈو اور دہمتھ کرونا رتنے نے اننگز کی شروعات کی۔ تیسرے اوور میں سیف الاسلام نے ابھیشکا فرنانڈو کو چھ رنوں کے انفرادی اسکور پر آ ؤٹ کرکے بنگلہ دیش کو پہلی کامیابی دلائی۔
اس کے بعد دہمتھ کرونارتنے اور کوشال پریرا نے محتاط انداز میں بلے بازی کر تے ہوئے اننگز سنبھالنے کی کوشش کی ۔دونوں بلے باز کے درمیان 97 رنوں کی شراکت داری ہوئی۔ دہمتھ کرونارتنے 36 رن بنا کر مہدی حسن معراج کی گیند پر آ ؤٹ ہوکر پویلین لوٹ گیے ۔
کوشال پریرا نے شاندار بلے بازی کر تے ہوئے 99 گیندوں پر17 چوکوں اور ایک چھکے کی مدد سے 111 رن بنا کر آؤٹ ہوئے ۔ کوشال مینڈس 42 رن اور اینجیلو متھیوز ایک رن بنا کر کھیل رہے ہیں۔ آ خری اطلاع موصول ہونے تک سری لنکا نے 23 اووروں میں تین وکٹوں کے نقصان پر 207 رن بنا لیے ہیں۔
بنگلہ دیش کی جانب سے سیف الاسلام اور مہدی حسن معراج کو ایک ایک کامیابی ملی ہے۔
