بھارتی گھریلو سرکٹ میں گزشتہ چند برسوں میں اپنی عمدہ گیندبازی سے اپنا نام بنانے والے کرشنا ٹیم انڈیا کے تیز بازی شعبہ میں محمد سراج، بھونیشور کمار، ٹی نٹراجن، نودیپ سینی اور شاردل ٹھاکر کے ساتھ جگہ بنائیں گے۔ یارکر مین جسپریت بمراہ ایک بار پھر ون ڈے سیریز سے بھی دور ہوں گے۔ بمراہ نے پیر کو ہی اپنی شادی کی تصاویر شیئر کی تھی۔
بڑودہ کے آل راؤنڈر کرونال پانڈیا ون ڈے سیریز کے لئے 18 رکنی ٹیم میں شامل ہوسکتے ہیں۔ کرونال نے وجے ہزارے میں دو سنچریوں کے علاوہ دو نصف سنچریاں بھی اسکور کی تھیں۔ لیکن ممبئی کے اوپنر پرتھوی شا جنہوں نے وجئے ہزارے میں عمدہ بلے بازی کی تھی اور کرناٹک کے اوپنر دیوت پڈیکل اس بار نظر انداز ہوسکتے ہیں۔ پرتھوی نے اس سیزن میں 827 اور پڈیکل نے 737 رنز بنائے ہیں۔
سلیکٹرز کا ماننا ہے کہ لوکیش راہل، شبھمن گل، شکھر دھون اور روہت شرما کے رہتے ٹیم میں سلامی بلےبازوں کے لیے مزید کوئی جگہ نہیں ہے جب تک کہ آخری منٹ میں حکمت عملی میں کوئی تبدیلی نہ ہو۔ اگر ٹیم میں کوئی بڑی تبدیلی نہیں ہوتی ہے تو چاروں اوپنروں کی جگہ یقینی ہے۔ کسی کو آرام دیے جانے کابھی کوئی امکان نہیں ہے۔
روہت کو آرام دیے جانے کا امکان تھا لیکن بھارتی نائب کپتان ٹیم کے کپتان وراٹ کوہلی کی طرح خود کو ٹیم میں مصروف رکھنا چاہیں گے۔
وجے ہزارے کے بہترین بولر شیوم شرما (21 وکٹ) اور ارجن ناگوس والا (19 وکٹ) پر بھی غور کیے جانے کا زیادہ امکان نہیں ہے۔ ادھر آل راؤنڈر رویندر جڈیجہ فٹنس وجوہات کی بنا پر ٹیم سے باہرچل رہے تھے، ابھی فٹنس وجوہات سے ہی وہ ٹیم سے باہر ہوں گے۔
