حال ہی میں بھارت اور ویسٹ انڈیز کے مابین ختم ہونے والی سیریز میں کیریبیئن کھلاڑی کریگ بریتھویٹ نے گیندبازی کی تھی جس کے بعد ان کے گیند بازی ایکشن کو مشکوک پایا گیا تھا۔
میچ حکام نے بریتھویٹ کے مشکوک گیند بازی ایکشن کی شکایت کی ہے۔
کریگ بریتھویٹ نے بھارت کے خلاف دو ٹیسٹ میچوں کی سیریز میں نو اوورز گیند بازی کی تھی۔
واضح رہے کہ بریتھویٹ ویسٹ انڈیز ٹیم کے پارٹ ٹائم گیند باز ہیں اور یہ دوسری بار ہے جب ان کے بالنگ ایکشن کی شکایت کی گئی ہے۔
اس سے قبل سنہ 2017 میں انگلینڈ کے خلاف ایجبسٹن ٹیسٹ کے دوران ان کے بالنگ ایکشن کی شکایت کی گئی تھی۔
بریتھویٹ کو 14 ستمبر سے پہلے بالنگ ٹیسٹ دینا ہوگا اور اگر اس ٹیسٹ میں ان کا بالنگ ایکشن صحیح ثابت ہوا تو ان پر کسی طرح کی روک نہیں لگائی جائے گی۔
