نائٹ رائیڈرز فرنچائزی ٹیمیں آئی پی ایل اور کیریبیئن پریمیئر لیگ میں کھیلتی ہیں۔ امریکہ کی یہ کرکٹ لیگ ملٹی ملین ڈالر ٹی 20 ٹورنامنٹ ہوگا۔ اس میں سرمایہ کاری کرکے نائٹ رائیڈرز نے دنیا کے سب سے بڑے میڈیا مارکیٹ میں قدم رکھا ہے۔
اے سی ای کے شریک بانیوں میں سے ایک وجے سری نواسن کا ماننا ہے کہ اس سے امریکہ میں کرکٹ کو فروغ ملے گا۔
انہوں نے کہا کہ ہم اس بات سے کافی پُر جوش ہیں کہ نائٹ رائیڈرز اس اہم کرکٹ لیگ کا حصہ بن رہا ہے۔
وجے سرینواسن نے کہا کہ 'امریکہ میں کرکٹ کو فروغ دینے کے لیے رائیڈرز آغاز سے ہی ہمارے ساتھ وابستہ رہے ہیں۔ ان کا سرمایہ کاری کرنا ہمارے منصوبوں پر مہر ثبت کرتا ہے۔
امریکہ میں کرکٹ کے مستقبل کے سلسلے میں یہ طویل مدتی سرمایہ کاری ہے، ایسا سمجھا جاتا ہے کہ نائٹ رائیڈرز فرنچائزی لاس اینجلس ٹیم کو خریدے گی۔
