بھارت نے اپنے گزشتہ گھریلو سریز میں آسٹریلیا کو 2-1 سے شکست دینے کی وجہ سے حوصلے بلند ہیں اور اپنے اگلے ھدف کے لیے باکل ہی تیار ہیں۔
بھارت کا ہدف ہوگا کہ وہ نیوزی لینڈ کو اسی کے گھر میں کھیلی جانے والی 5 میچوں کی ٹی-20 سیریز میں شکست دے جس سیریز کا پہلا میچ آکلینڈ کے ایڈن پارک میں کھیلا جائے گا۔
آکلینڈ کی پیچ کے بارے میں کہا جاتا ہے کہ یہاں پر گیند بازوں کو کافی اچھی اچھال ملتی ہے لیکن اس کے باوجود گیند بلے پر بخوبی آتی ہے جس کی وجہ سے بلے بازوں کو اپنا شاٹ کھیلنا بہت آسان ہوجاتا ہے، تیز گیند باز وں کو کچھ مدد ضرور ملے گی
لیکن وکٹ بلے بازوں کے لیے زیادہ سازگار ہوگی، پچ کے مطابق جو ٹیم ٹاس جیتتے گی وہ پہلے گیند بازی کرنے کا فیصلہ کرسکتی ہے۔
سیریز کا پہلا ٹی-ٹونٹی آکلینڈ کے ایڈن پارک میں کھیلا جائے گا۔ آکلینڈ کی آب و ہوا بھارت کی آب وہوا سے کافی مختلف ہوتی ہے۔ یہاں کافی تیز ہوا چلتی رہتی ہے جس کی وجہ سے بھارتی بلے بازوں کو بلے بازی کرنا ذرا مشکل ہوسکتا ہے، اس کے علاوہ
میچ کے دوران ہلکے بادل ہوں گے لیکن بارش کا کوئی امکان نہیں ہے۔ درجہ حرارت 17 سے 25 ڈگری سینٹی گریڈ رہنے کا اندازہ ہے۔
واضح رہے کہ بھارت نے نیوزی لینڈ کے خلاف کل 11 ٹی-ٹونٹی میچ کھیلے گئے ہیں جس میں اس نے صرف 3 میں کامیابی حاصل کی ہے جبکہ 8 میچ میں شکست کا سامنا کرنا پڑا ہے۔
