کینبرا میں مانوکا اوول میدان ھر کھلے گئے ٹی 20 ٹرائی سیریز کے اپنے پہلے مقابلے میں بھارتی خواتین کرکٹ ٹیم نے انگلینڈ کو پانچ وکٹوں سے شکست دے دی ہے۔
اس میچ میں بھارتی ٹیم نے ٹاس جیت کر پہلے بولنگ کرنے کا فیصلہ کیا۔ پہلے بیٹنگ کرتے ہوئے انگلینڈ کی ٹیم نے مقررہ 20 اوورز میں سات وکٹوں کے نقصان پر 147 رنز بنائے۔
جواب میں بھارتی ٹیم نے پانچ وکٹوں سے فتح حاصل کی۔
انگلینڈ کی ٹیم کا آغاز اچھا نہیں تھا اور وہ صرف چار رنز کے اسکور پر اپنی پہلی وکٹ گنوا بیٹھے تھے۔ اس کی دوسری وکٹ بھی جلد ہی گر گئی۔
انگلینڈ کی جانب سے ان کی ٹیم کے کپتان ہیتھر نائٹ نے سب سے زیادہ رنز بنائے۔ انہوں نے آٹھ چوکوں اور دو چھکوں کی مدد سے 44 گیندوں میں 67 رنز کی اہم اننگز کھیلی۔
ٹمی بیومونٹ نے بھی ایک اہم کردار ادا کیا ، انہوں نے 37 رنز بنائے اور ٹیم کو قابل احترام اسکور تک پہنچایا۔
بھارت کی طرف سے راجیشوری گائکواڈ ، شیکھا پانڈے، دیپتی شرما نے دو۔ دو اور رادھا یادو نے ایک وکٹ حاصل کی۔
انگلینڈ کی جانب سے دیئے گئے 148 رنز کے ہدف کے تعاقب میں بھارتی خواتین کی کرکٹ ٹیم نے عمدہ آغاز کیا۔
شیفالی ورما اور اسمرتی مندھانا نے پہلی وکٹ کے لئے 27 رنز جوڑے۔
بھارت کی پہلی وکٹ اسمریتی مندھانا کا گرا ہے۔ بھارت کے جانب سے کپتان ہرمن پریت کور نے سب سے زیادہ یونی 42 رنز کی اننگ کھیلی اور اپنی ٹیم کو سیریز کا پہلا میچ جیت دلوائی۔
وہیں انگلینڈ کی ٹیم کیتھرین برنٹ نے دو وکٹ ملے۔ اسی دوران سوفی ایکلیسٹون، نتالی اسکائور اور ہیتھر نائٹ نے ایک ایک وکٹ حاصل کی۔
واضح رہے کہ اس ٹی 20 ٹرائی سیریز میں بھارت کا اگلا میچ 2 فروری کو آسٹریلیا کے ساتھ ہوگا۔
