پاکستان کرکٹ بورڈ ’پی سی بی‘ نے پاکستان سپر لیگ ’پی ایس ایل‘ کے دوران اسپاٹ فکسنگ کے معاملے سے متعلق عمراکمل پر الزام لگایا تھا اور بورڈ نے اس معاملے کو انتظامی کمیٹی کو بھیجا تھا۔ 29 سالہ عمر اکمل کو گزشتہ 20 فروری کو عارضی طور پر معطل کیا گیا تھا۔
پی سی بی کی انتظامی کمیٹی کے چیئرمین لاہور ہائی کورٹ کے سابق جج فضل میراں چوہان نے عمر اکمل اور بورڈ کو نوٹس جاری کر کے 27 اپریل کو ہونے والی سماعت میں پیش ہونے کو کہا ہے۔
آرٹیکل 4.8.1 کے تحت انتظامی کمیٹی کے چیئرمین اب ان پر لگے الزامات کو طے کریں گے۔
پی سی بی نے عمر اکمل کے خلاف 20 مارچ کو انسداد بدعنوانی ضابطوں کو توڑنے کا الزام لگایا تھا۔
اکمل نے اگرچہ کہا تھا کہ وہ کاروبار اور سماجی افعال کی وجہ سے بہت سے لوگوں سے ملتے ہیں اور اگر اس دوران کوئی مورد الزام شخصیت ان سے ملتی ہے تو وہ اس بارے میں جوابدہ نہیں ہیں۔
سماعت لاہور واقع قومی کرکٹ اکیڈمی میں ہوگی جہاں کورونا سے متعلق تمام سیکورٹی معاملات اور سماجی فاصلے پر عمل کیا جائے گا۔
