جنوبی افریقہ کے خلاف جاری چار ٹیسٹ میچوں کی سیریز کے آخری میچ میں انگلینڈ نے عظیم ریکارڈ اپنے نام کر لیا ہے۔
کرکٹ کا موجد کہلانے والا ملک انگلینڈ کی کرکٹ ٹیم ٹیسٹ میچوں میں پانچ لاکھ رنز بنانے والی دنیا کی پہلی ٹیم بن گئی ہے، اس سنگ میل تک پہنچنے کے لیے انگلینڈ نے 1022 ٹیسٹ میچ کھیلے ہیں۔
اس فہرست میں آسٹریلیائی ٹیم دوسرے نمبر پر ہے جس نے 830 ٹیسٹ میچوں میں چار لاکھ 32 ہزار 706 رنز بنائے ہیں جبکہ بھارتی کرکٹ ٹیم 540 ٹیسٹ میچوں میں دو لاکھ 73 ہزار 517 رنز اور ویسٹ انڈیز کرکٹ ٹیم 545 ٹیسٹ میچوں میں دو لاکھ 70 ہزار 441 رنز کے ساتھ بالترتیب تیسرے اور چوتھے نمبر پر ہے۔
