بھارت اور پاکستان کے درمیان ورلڈ کپ کا پہلا میچ سنہ 1992 میں سڈنی میں کھیلا گیا تھا اس مقابلے میں جاوید میانداد اور وکٹ کیپر کرن مورے کے درمیان ہوئی بحث نے اس مقابلے کو یادگار بنا دیا تھا۔
ستائیس برس پہلے ہوئے اس مقابلے میں بھارت نے پاکستان کو 43 رنز سے شکست دی تھی، اگرچہ 1992 ورلڈ کپ کا خطاب پاکستان نے جیتا تھا لیکن بھارت کے خلاف کھیلے گئے میچ میں اسے شکست کا سامنا کرنا پڑا تھا۔
اس سے پہلے دونوں ٹیموں نے 4 ورلڈ کپ ٹورنامنٹ میں شرکت کی تھی لیکن کسی بھی عالمی کپ میں ان دونوں کا مقابلہ نہیں ہوا تھا۔
سنہ 1992 کے عالمی کپ میں ہی سچن تیندولکر نے عالمی کپ میں اپنی پہلی نصف سنچری بنائی تھی اور مین آف دی میچ کا خطاب حاصل کیا تھا۔
4 مارچ 1992 کو ہونے والے اس میچ میں بھارت نے ٹاس جیت کر پہلے بلے بازی کرنے کا فیصلہ کیا تھا، محمد اظہر الدین کی قیادت میں اجے جڈیجہ اور سری کانت کے درمیان پہلے وکٹ کے لیے 25 رن کی شراکت ہوئی، اجے جڈیجہ نے 46 رنز بنائے جبکہ سری کانت 5 رنز بنا کر آؤٹ ہوئے۔
ٹیم کے مجموعی اسکور 101 رن پر بھارت کے 3 وکٹ گر چکے تھے، کپتان اظہر الدین بھی 32 رنز بنا کر پویلین لوٹ گئے تھے جبکہ ونود کامبلی 24 رن بنا کر آؤٹ ہوئے.
سچن نے ونود کامبلی اور کپل دیو کے ساتھ پارٹنرشپ کر کے بھارت کے اسکور کو 200 رن کے پار پہنچایا،
سچن تیندولکر نے 54 رنز کی اہم اننگز کھیلی تھی جبکہ کپل دیو نے 35 رنز بنائے تھے۔
پاکستان کی جانب سے مشتاق احمد نے 3 وکٹ حاصل کیے تھے، پاکستان کی سست اوور ریٹ کی وجہ سے یہ میچ 49 اوورز کا کھیلا گیا جس میں بھارت نے مقررہ 49 اوورز میں 7 وکٹوں کے نقصان پر 216 رنز بنائے۔
ہدف کا تعاقب کرنے اتری پاکستان کی شروعات خراب رہی، بھارتی گیند باز پربھاکر اور کپل دیو نے پاکستان کے 17 رنز پر ہی 2 وکٹ گرا دیئے تھے، انضمام الحق اور زاہد فضل 2-2 رنز بنا کر آؤٹ ہو گئے تھے۔
اس کے بعد عامر سہیل اور جاوید میانداد کے درمیان 88 رنز کی پارٹنرشپ نے ٹیم کو اسکور کو مضبوطی عطا کی تھی خطر ناک بنتی جا رہی اس جوڑی کو سچن نے عامر سہیل کو آؤٹ کر کے توڑا اور 105 رن پر پاکستان کا تیسرا وکٹ گرا ،عامر سہیل نے 62 رنز بنائے تھے۔
اس کے بعد جاوید میانداد 40 رنز بنا کر جواگل سری ناتھ کی گیند پر بولڈ آؤٹ ہوئے، اس دوران میانداد اور بھارتی وکٹ کیپر کرن مورے کے درمیان تلخ تکرار ہوئی تھی جس نے اس میچ کو یادگار بنا دیا۔
پاکستانی بلے باز وقفے وقفے سے آؤٹ ہوتے گئے اور 150 رن کو اسکور تک پاکستان کے 7 وکٹ گر چکے تھے جس کے بعد پاکستانی ٹیم واپسی نہیں کر سکی اور 173 رنز پر آؤٹ ہو گئی۔
سچن تیندولکر کو ان کی آل راؤنڈر کارکردگی کی بنیاد پر مین آف دی میچ کے ایوارڈ سے نوازا گیا تھا۔
