سپرنوا کی کپتان ہرمن پریت کور اور ویلوسٹی کی کی کپتان متالی راج کے درمیان تلخیاں کسی سے بھی پوشیدہ نہیں ہے اور آج یہ دونوں اپنی ٹیم کو خطاب دلانے کے مقصد سے میدان میں اتریں گی۔
اس سے قبل اسی میدان پر ہرمن پریت کی کپتانی والی ٹیم سپرنوا نے متالی کی قیادت والی ویلو سٹی کو 12 رنوں سے شکست دی تھی اور آج بھی وہ اسی طرح کی کارکردگی دہرانے کی کوشش کریں گی۔
گزشتہ میچ میں سست رفتاری سے بلے بازی کرنے پر متالی کو کافی تنقیدوں کا سامنا کرنا پڑا تھا جبکہ ہرمنپریت بھی کچھ خاص کمال نہیں دکھا سکی تھیں۔
سپرنوا ٹیم میں کپتان ہرمن پریت کور کے علاوہ پریا پونیا، چماری اٹاپٹو، جمیجا راڈریگز اور سوفی ڈیوائن جیسی بہتری کھلاڑی ہیں تو دوسری جانب متالی راج کی آرمی میں شیفالی ورما، ہیلی میتھیوز، ڈینیئل ویاٹ اور ویدا کرشنامورتی موجود ہیں۔
مجموعی طور پر آج کا میچ کافی دلچسپ ہوگا، میچ رات آٹھ بجے جئے پور کے سوائی مان سنگھ کرکٹ اسٹیڈیم میں کھیلا جائے گا۔
