انگلینڈ نے جمعہ کو بھارت کے خلاف دوسرے ٹیسٹ میچ کے لئے 12 رکنی ٹیم کا اعلان کیا اور چار تبدیلیاں کیں۔ دوسرا ٹیسٹ سنیچر کو چنئی کے ایم اے چدمبرم اسٹیڈیم میں شروع ہورہا ہے۔
فاسٹ بالر جو فرا آرچر دائیں کہنی میں درد کی وجہ سے انجیکشن لگنے کے بعد دوسرے ٹیسٹ سے باہر ہوگئے ہیں۔ دوسرے ٹیسٹ میں بالر جیمز اینڈرسن، وکٹ کیپر جوس بٹلر، آف اسپینر ڈوم بیس کو جگہ نہیں دی گئی ہے۔
ان کھلاڑیوں کی جگہ فاسٹ بالر اسٹوآرٹ براڈ، آف اسپینر معین علی، وکٹ کیپر بین فاکس، فاسٹ بالر اولی اسٹون اور کرس ووکس کو جگہ دی گئی ہے۔
ٹیم میں باقی سات کھلاڑی وہی ہیں جو پہلے ٹیسٹ میں تھے۔ انگلینڈ بھارت کے خلاف پہلا ٹیسٹ 227 رنز سے جیتنے کے بعد چار میچوں کی سیریز میں 1-0 سے آگے ہے۔ تیسرا اور چوتھا ٹیسٹ میچ احمد آباد میں کھیلا جائے گا۔
