بھارتی کرکٹ ٹیم کے اوپننگ بلے باز شیکھردھون نے کہاکہ بیٹنگ آرڈر میں تبدیلی کا فیصلہ کپتان کا ہو تا ہے۔ نمبر چار بلے بازی کرنے کا فیصلہ بھی کپتان وراٹ کوہلی کا ہی تھا۔
اس میچ کو چھوڑ دیا جائے تو ٹیم مسلسل اچھی کارکردگی کا مظاہرہ کر رہی ہے لہذا بہت زیادہ فکر کرنے جیسی کوئی بات نہیں ہے۔
شکھر نے ساتھ ہی کہاکہ یہ ایک خراب دن تھا۔ ہم ویسٹ انڈیز کے خلاف اچھا کھیلے تھے جہاں ہمارے سبھی بلے بازوں نے شاندار مظاہرہ کیا تھا۔
شريس ایر کی کارکردگی اچھی رہی ہے لیکن ان کے لئے بھی یہ دن خراب رہا۔ ایک ٹیم کے طور پر ہم ایک دوسرے کی حمایت کرتے ہیں اور ایک ہار پر زیادہ توجہ نہیں دیتے۔
واضح رہے کہ ممبئی کے وانکھڑے اسٹیڈیم میں کھیلے گیے میچ میں بھارت 49.1اوورز میں 255 رن بنا کر آل آؤٹ ہوگئی۔ جواب میں آسٹریلیا نے بغیر کسی نقصان کے مطلوبہ ہدف حاصل کرکے 10 وکٹوں سے میچ جیت لی تھی۔
اس سے قبل بھارتی ٹیم کو 2005 میں جنوبی افریقہ کے خلاف ایڈن گارڈن میں10 وکٹوں سے شکست کاسامناکرناپڑاتھا۔
