بھارتی کرکٹ کی تاریخ کے کامیاب ترین بلے باز اور بھارت رتن سچن تندولکر نے جسپریت بمراہ کے 26 ویں جنم دن کے موقع پر انہیں مبارکباد دیتے ہوئے کہاکہ اس میں کوئی شک نہیں ہے کہ وہ ایک اچھے گیندباز ہیں۔
انہوں نے کہاکہ میں ان کے جنم دن کے موقع پر اہی دعادیے سکتا ہوں کہ جسپریت بمراہ مستقبل میں نہ بھارت بلکہ انٹرنیشنل کرکٹ کے کامیاب گیندبازہوں گے۔
سچن تندولکر نے کہاکہ بمراہ ورلڈکلاس بالر ہیں۔ ان میں ایک کامیاب بالر بننے کی تمام صلاحیت موجود ہے۔ ان کی کارکردگی میں تسلسل ہے ۔ تسلسل ہی ایک کرکٹر کو کامیاب کرکٹر بناتاہے۔
ماسٹر بلاسٹر کاکہنا ہے کہ بمراہ کاایکشن مشکل ہونے کے باوجود ان کی گیندیں بالکل صحیح لائن لینتھ پرپڑتی ہے۔ اس کا مطلب یہ ہے کہ ان میں قدرتی صلاحیت موجود ہے۔
واضح رہے کہ جسپریت بمراہ کمر میں تکلیف کے سبب گزشتہ جولائی سے اب تک ٹسٹ میچ کھیل نہیں سکے۔ اس کے باوجود بھارتی تیز گیندباز آئی سی سی ٹسٹ رینکنگ میں ٹاپ ٹن بالروں کی فہرست میں برقرار ہیں۔
