آتشزدگی کے متاثرین کی امداد کیلئے 8 فروی کو منعقد ہونے والے چیرائٹی میچ میں بھارتی کے نامور کرکٹر سچن ٹنڈولکر اور ویسٹ انڈیز کے کورٹنی واش کوچنگ کریں گے ۔
اس میچ میں جسٹن لینگر، ایڈم گلکرسٹ، بریٹ لی، شین واٹسن، الیکس بلیک ویل اور مائیکل کلارک بھی حصہ لیں گے۔
کرکٹ آسٹریلیا کے چیف ایگزیکٹو آفیسر کیون رابرٹس نے بتایا کہ میچ سے حاصل ہونے والی آمدنی آسٹریلوی ریڈ کراس ڈیزاسٹر ریلیف اینڈ ریکوری فنڈ کیلئے وقف ہوگی تاکہ ان افراد کی مدد کی جاسکے جو آتشزدگی کی لپیٹ میں آئے تھے۔
واضح رہے کہ سچن ٹنڈولکر انٹرنیشنل کرکٹ میں اب تک کے سب سے زیادہ رنز بنانے والے کھلاڑی ہیں جبکہ کورٹنی 500 سے زیادہ ٹیسٹ وکٹیں لینے کا ریکارڈ رکھتے ہیں ۔
اس موقع پر آسٹریلیا اور بھارت کی ویمنز ٹیموں کے مابین بھی میچ کھیلا جائے گا جبکہ بگ بیش لیگ کا فائنل بھی اسی دن ہو گا۔
واضح رہے کہ آسٹریلیا کے جنگلوں میں آگ لگنے سے متعدد افراد کی موت ہو گئی تھی جبکہ درجنوں کبنہ بے گھر ہوئے تھے۔
کرکٹ آسٹر یلیا نے بش فائر سے متاثر افراد کو مالی امداد کرنے کے لیے چیرائٹی میچ کا اہتمام کرنے کا فیصلہ کیا۔
