بھارت اے اور نیوزی لینڈ اے کے بیچ ہفتہ کو دوسرے غیر تسلیم شدہ ٹیسٹ میچ کے دوسرے دن کا کھیل بارش کی وجہ سے متاثر ہوا اور بغیر گیند کے ہی دن کا کھیل ختم ہو گیا۔
میچ کے دوسرے دن صبح سے ہی بارش ہو رہی تھی جس سے میچ شروع نہیں ہو پایا اور آخر میں اسٹمپس تک دوسرے دن کا کھیل ختم کرنا پڑا۔
اس سے پہلے دوسرے غیرتسلیم شدہ ٹیسٹ کے پہلے دن جمعہ کے روز نیوزی لینڈ اے کی ٹیم نے گلین فلپس (65) کی شاندار نصف سنچری سے پانچ وکٹ پر 276 رن کا قابل دفاع اسکور بنا یا تھا۔
نیوزی لینڈ نے اس مقابلے میں ٹاس جیت کر پہلے بلے بازی کا فیصلہ کیا تھا۔
فلپس نے 80 گیندوں پر 65 رنز میں نو چوکے اور ایک چھکا لگایا۔ کپتان اور سلامی بلے باز ہامش ردرفورڈ نے 79 گیندوں پر پانچ چوکوں کی مدد سے 40 رن، ول ینگ نے 26 رنز، رویندر نے 12 رنز، اور ٹم سیفرٹ نے 30 رن بنائے۔
بھارت اے کی جانب سے محمد سراج نے 58 رن پر دو وکٹ اور اویس خان نے 57 رن پر دو وکٹ لئے۔ شہباز ندیم کو 54 رن پر ایک وکٹ ملا
