بنگلہ دیش کرکٹ بورڈ (بی سی بی) نے اس بارے میں سنجے بانگڑ سے بات کی ہے لیکن ان کے بیٹنگ مشیر بننے کے بارے میں ابھی کوئی فیصلہ نہیں ہوا ہے۔
بی سی بی نے بنگلہ دیش ون ڈے ٹیم کے بیٹنگ مشیر نیل میکنزی کو ٹیسٹ ٹیم کا مشیر بنانے کے لئے بات کی تھی لیکن ایسا مانا جا رہا ہے کہ وہ سبھی فارمیٹ کے مشیر بننے کے لئے راضی نہیں ہیں۔
بي سي بي کے چیف ایگزیکٹو نظام الدین چودھری نے بدھ کے روز صحافیوں سے کہا کہ بانگڑ سے ہم نے اس بارے میں بات کی ہے لیکن ابھی کوئی حتمی فیصلہ نہیں ہوا ہے۔
ہم مشیر کے عہدے کے لئے دوسرے لوگوں کے ساتھ بھی بات چیت کر رہے ہیں۔ میکنزی ون ڈے ٹیم کے بیٹنگ مشیر ہیں اور ہم امید کرتے ہیں کہ جب تک ہمیں ٹیسٹ ٹیم کے لئے کوئی مشیر نہیں مل جاتا تب تک وہ یہ ذمہ داری سنبھالیں‘‘۔
بانگڑ 2014 سے 2019 تک بھارتی ٹیم کے تھے۔ وہ 2016 میں زمبابوے اور 2017 میں ویسٹ انڈیز کے ساتھ دورے کے وقت ہندوستانی ٹیم کے عبوری کوچ تھے۔
اگرچہ بعد میں ان کی جگہ روی شاستری کو ٹیم انڈیا کا چیف کوچ بنایا گیا اور بانگڑ ٹیم کے بیٹنگ کوچ بنے۔ لیکن گزشتہ سال انگلینڈ میں ہوئے آئی سی سی ورلڈ کپ کے بعد انہیں بلے بازی کوچ کے عہدے سے ہٹا دیا گیا تھا اور ان کی جگہ وکرم راٹھور کو نیا بیٹنگ کوچ مقرر کیا گیا تھا۔
بي سي بي ذرائع کے مطابق اگر بانگڑ بنگلہ دیش ٹیسٹ ٹیم کے بیٹنگ مشیر مقرر ہوتے ہیں تو ان کا معاہدہ جون 2020 سے فروری 2021 تک ہوگا۔
