ریاست ہریانہ کے کیتھل -انبالہ روڈ میں ہوئے سڑک حادثے میں ایک خاتون کرکٹر کی موت ہو گئی۔
پولیس نے بتایا کہ انبالہ شہر کے ماڈل ٹاؤن کی ورندا کیتھل میں ایم ڈی این كركٹ اکیڈمی میں پریکٹس کے بعد والد کے ساتھ موٹرسائیکل پر واپس آ رہی تھیں۔ ایک گاڑی سے بائک کی ٹکر ہو گئی۔
ورندا کی موقع پر ہی موت ہو گئی جبکہ والد کو بھی چوٹیں آئیں۔ انہیں سول اسپتال میں داخل کرایا گیا ہے۔ پولیس نے کار ڈرائیور کے خلاف مقدمہ درج کیا ہے۔
ورندا کے کوچ منوج نے بتایا کہ ورندا فاسٹ بولر تھیں اور کئی سالوں سے کرکٹ کھیل رہی تھیں۔ انہوں نے بتایا کہ گزشتہ ماہ ہی کیتھل کی 12 کھلاڑیوں میں سے وہ ہریانہ کرکٹ ایسوسی ایشن کے روہتک میں ہوئے ایک کیمپ میں حصہ لینے کے لئے منتخب کی گئی تھیں۔
