آسٹریلیا کے اوپنر ڈیوڈ وارنر نے ٹوئنٹی -20 فارمیٹ سے ریٹائرمنٹ لینے کے اشارے دیے ہیں۔
33 سالہ وارنر نے کہاکہ اگر آپ ٹی -20 کو دیکھیں تو ہمیں مسلسل دو ورلڈ کپ کھیلنے ہیں اور یہ ایک ایسا فارمیٹ ہے جس سے میں ریٹائرمنٹ لینا چاہوں گا۔
میں نے اس کے پروگرام کی فہرست دیکھی ہے اور میرے لئے کرکٹ کے تینوں فارمیٹ میں کھیلنا کافی مشکل ہے۔
انہوں نے کہاکہ میرے گھر میں بیوی کے ساتھ ساتھ تین بچے ہیں اور میرے لئے مسلسل دورے کرنا کافی مشکل ہو سکتا ہے۔ اگر مجھے کسی ایک فارمیٹ کو چھوڑنا پڑے تو میں ٹی -20 کو چھوڑنا چاہوں گا۔
ڈیوڈ وارنر کاکہنا ہے کہ کرکٹ کے طویل فارمیٹ میں لمبے عرصے تک کھیلنے کے لئے ٹی۔20 فارمیٹ سے ریٹائرمنٹ کے بارے میں سوچ رہا ہوں۔ اس سے مجھے لمبے فارمیٹ میں کھیلنے میں مدد ملے گی۔ اس کے علاوہ میں اپنی فیملی کے ساتھ وقت گزارنا چا ہتاہوں۔ کرکٹ اور فیملی دونوں میرے لئے اہم ہے۔ ایک دوسردے سے دور نہیں رہ سکتا ہوں
وارنر نے آسٹریلیا کے لئے 76 ٹی -20 میچ کھیلے ہیں اور 2079 رنز بنائے ہیں۔ وارنر نے ٹوئنٹی -20 میں ایک سنچری اور 15 نصف سنچری لگائی ہیں۔
