بھارتی کرکٹ ٹیم کے نائب کپتان اجنکیا رہانے نے ویلنگٹن میں مایوس کرنے والے تیز گیند بازوں جسپريت بمراه اور محمد سمیع کا دفاع کرتے ہوئے کہاکہ پہلے ٹیسٹ میں بمراه اور سمیع دونوں نے ہی ایک ایک وکٹ لئے۔
وہ مسلسل بولنگ کر رہے ہیں۔ ابھی ایک میچ ہوا ہے۔ ایشانت شرما نے بھی اچھی بولنگ کی۔ ہمیں پوری امید ہے کہ اگلے میچ میں سمیع-بمراه اپنی فارم حاصل کرلیں گے۔
اگر ہم اگلے میچ میں بلے بازی سے آغاز کرتے ہیں تو پہلے ہی دن کے کھیل سے ہمیں اچھا مظاہرہ کرنا پڑے گا تاکہ ہمارے گیند بازوں کے پاس دباؤ بنانے کے لئے بورڈ پر اچھا ا سکور رہے۔ بمراه اور سمیع دونوں ہی عالمی معیار کے فاسٹ بولر ہیں۔
نائب کپتان نے ساتھ ہی اشارہ دیا کہ ٹیم میں توازن لانے کے لئے کپتان وراٹ کوہلی اور کوچ روی شاستری دوسرے ٹیسٹ میں آف اسپنر روی چندرن اشون کی جگہ شاندار فارم میں چل رہے لیفٹ آرم اسپن آل راؤنڈر رویندر جڈیجہ کو موقع دے سکتے ہیں۔
جڈیجہ نے ون ڈے اور ٹی -20 سیریز میں بہترین بولنگ کے ساتھ وقت پڑنے پر شاندار بلے بازی بھی کی تھی۔رہانے نے کہاکہ اشون نے پہلے ٹیسٹ میں تین وکٹ لئے تھے۔
اگرچہ وہ بلے بازی میں اپنا خاص مظاہرہ نہیں کر سکے۔ پہلے ٹیسٹ کے نتیجے کو دیکھتے ہوئے ٹیم مینجمنٹ کو جڈیجہ کو واپس لانے کی ضرورت ہے، تاکہ ٹیم کا توازن بنا رہے۔
جڈیجہ اشون کی طرح اچھے بولر ہیں ۔ ہمارے لئے یہ ایک اچھی بات ہے کہ ہمارے پاس یہ دونوں ہی دستیاب ہیں ۔ باقی انتخابی صورت حال ، وکٹ کی صورتحال اور کپتان اور کوچ کی سوچ پر انحصار کرے گا۔
ویلنگٹن میں چتیشور پجارا کی سست بلے بازی پر رہانے نے کہاکہ پہلے ٹیسٹ میں نیوزی لینڈ نے بہت اچھی بولنگ کی تھی۔ پجارا صبر و تحمل کے ساتھ کھیل رہے تھے۔
ان کے سامنے گیند بازوں نے کوئی ڈھیلی گیند بازی نہیں کی۔ ایسا ہو سکتا ہے، کوئی بھی بلے باز اس دور سے گزر سکتا ہے۔ ہر کسی کا کھیل بالکل مختلف ہوتا ہے۔ ایک ٹیم کے طور پر، ہمیں یہ پتہ چل جائے گا کہ ہم واقعی وکٹوں کے درمیان کس طرح کھیلتے ہیں۔ پجارا نے پہلی اننگز میں 42 گیندوں پر 11 رنز بنائے تھے جبکہ دوسری اننگز میں 11 رن بنانے کے لئے پجارا نے 81 گیندوں کا سامنا کیا تھا۔
