جوہری نے گذشتہ سال دسمبر میں اپنا عہدہ چھوڑنے کا فیصلہ کیا تھا جب سابق کپتان سورو گنگولی کی سربراہی میں بی سی سی آئی نے اپنے نئے عہدیدار منتخب کئے تھے۔ اس کے بعد انہیں اپریل میں فارغ کر دیا جانا تھا لیکن وہ اپنے عہدے کی وضاحت کے فقدان کے باوجود عہدے پر فائز رہے۔
گنگولی کی زیرقیادت کمیٹی کو بورڈ کی کمان ملنے کے بعد جوہری کی ذمہ داری بہت کم ہوگئی۔ سکریٹری جئے شاہ بی سی سی آئی کے تمام بڑے اجلاس اور آئی سی سی سے متعلق امور کی نگرانی کر رہے تھے۔
یہ بھی پڑھیں:
سورو گنگولی کی سالگرہ پر خصوصی پیشکش
لوڈھا کمیٹی نے سفارش کی تھی کہ مینجمنٹ اور انتظامیہ کو الگ الگ رکھنے کی ضرورت ہے اس کے بعد بی سی سی آئی نے جوہری اور رنگنیکر دونوں کو جون 2016 میں مقرر کیا تھا۔ ان کی تقرری بی سی سی آئی کے سابق صدر ششانک منوہر کے ذریعہ شروع کردہ 'پروجیکٹ پریورتن' کا حصہ تھیں۔ اس منصوبے کا مقصد بورڈ کی حکمرانی ، آپریٹنگ اور مالی عمل کو بہتر بنانا تھا۔
جوہری کی نگرانی صرف بی سی سی آئی کی کارروائیوں تک ہی محدود نہیں تھی۔ انل کمبلے کو چمپئنز ٹرافی 2017 کے فورا بعد ہیڈ کوچ کے عہدے سے ہٹانے کے متنازعہ فیصلے میں ان کا اہم کردار تھا۔
ان پر 2018 میں ایک خاتون کے ذریعہ جنسی استحصال کا الزام عائد کیا گیا تھا۔ اس وقت پوری دنیا میں می ٹو مہم چل رہی تھی۔ ان پر عائد الزامات کی تحقیقات کے لئے ایک کمیٹی تشکیل دی گئی تھی جس نے بعد میں انہیں کلین چٹ دے دی۔
