انڈین پریمیئر لیگ (آئی پی ایل) کے 12 ویں ایڈیشن کے پلے آف ہفتے کے دوران ہونے والے ٹورنامنٹ میں ہرمن پريت کور سُپرنوواز، اسمرتی مدھنا ٹرائل بلیزرس اور متالی راج ویلوسٹی ٹیم کی کپتانی کریں گی۔
ٹورنامنٹ میں بھارت کی خاتون کرکٹرز کے علاوہ انگلینڈ، نیوزی لینڈ، ویسٹ انڈیز، سری لنکا اور بنگلہ دیش کی کھلاڑی بھی حصہ لیں گی۔
پہلے میچ میں چھ مئی کو سپرنوواز کا مقابلہ ٹرائل بلیزرس جبکہ دوسرے میچ میں آٹھ مئی کو ٹرائل بلیزرس کا سامنا ویلوسٹی سے اور نو مئی کو ہونے والے تیسرے میچ میں سپرنوواز کا سامنا ویلوسٹی سے ہوگا۔
بھارتی خواتین کرکٹ ٹیم کے کوچ ڈبليو وی رمن سپرنوواج کے، بجو جارج ٹرائل بلیزرس کے جبکہ سابق بھارتی کرکٹ ٹیم کے کپتان ممتا میبن ویلوسٹی ٹیم کی کوچ ہوں گی۔
