عالمی کپ میں شریک تمام ٹیمیں اپنے کھلاڑیوں کے زخمی ہونے سے پریشان ہیں گزشتہ روز بھارتی ٹیم کے دو کھلاڑی زخمی ہو کر ٹیم سے باہر ہوئے ہیں اب اس فہرست میں میزبان انگلینڈ کے کھلاڑیوں نام بھی شامل ہو گئے ہیں۔
انگلینڈ کے سلامی بلے باز جیسن رائے ویسٹ انڈیز کے خلاف میچ میں زخمی ہوئے تھے اور اب میڈیکل ٹیم نے انہیں آئندہ دو میچوں کے لیے ٹیم سے باہر رہنے اور آرام کرنے کا مشورہ دیا ہے۔
جیسن رائے اب افغانستان اور سری لنکا کے خلاف میچ میں میدان پر نظر نہیں آئیں گے، لیکن ٹیم انتظامیہ نے یہ بھی کہا کہ ان کی کوشش رہے گی کہ رائے آسٹریلیا کے خلاف ہونے والے میچ سے قبل فٹ ہو جائیں۔
یہ خبر انگلینڈ کے لیے کسی بھی جھٹکے سے کم نہیں ہے کیوں کہ رائے فی الحال فارم میں ہیں اور انہوں نے بنگلہ دیش کے خلاف 121 گیندوں میں 153 رنز بنائے تھے۔
واضح رہے کہ اس سے قبل ایون مورگن بھی زخمی ہونے کی وجہ سے ٹیم سے باہر ہو گئے ہیں اور ان کی جگہ جوس بٹلر کو کپتان بنانے کا امکان ہے۔
