آسٹریلیا نے پہلے بلے بازی کرتے ہوئے کپتان ارن فنچ کی شاندار سنچری کی بدولت مقررہ 50 اوورز میں 7 وکٹوں کے نقصان پر 285 رنز بنائے تھے۔
ہدف کا تعاقب کرنے اتری انگلینڈ کی پوری ٹیم 44.4 اوورز میں 221 رنز پر آؤٹ ہو گئی۔
انگلینڈ کی جانب سے آل راؤنڈر بین اسٹوکس نے بہترین بلے بازی کی اور 89 رنز بنائے لیکن دیگر کوئی بھی بلے باز ان کا ساتھ نہیں دے سکا اور وقفے وقفے سے آؤٹ ہوتے گئے۔
اسٹوکس کے علاوہ جانی بیرسٹو نے سب سے زیادہ 27 رنز بنائے۔
آسٹریلیا کی جانب سے جیسن بہرینڈورف نے شاندار گیندبازی کی اور انگلینڈ کے 5 بلے بازوں ک وپویلین بھیجا جبکہ مشیل اسٹارک نے 4 اور اسٹوائنس نے ایک وکٹ حاصل کئے۔
اس سے قبل انگلینڈ نے ٹاس جیت کر آسٹریلیا کو بلے بازی کی دعوت دی تھی جسے اس کے سلامی بلے بازوں نے درست قرار دیا اور پہلے وکٹ کے لیے 123 رنز بنائے۔
عالمی کپ میں اب تک بہتری کارکدگی کا مظارہ کرنے والے ڈیوڈ وارنر نے اس میچ میں شاندار بلے بازی کی اور رواں عالمی کپ میں اپنی چوتھی نصف سنچری مکمل کی۔
وارنر نے 61 گیندوں میں 53 رنز بنائے اور معین علی کی گیند پر جو روٹ کو کیچ تھما بیٹھے۔
اس کے بعد کپتان ارن فنچ نے محاذ سنبھالا اور عثمان خواجہ کے ساتھ مل کر 50 رنز کی پارٹنرشپ کی، خواجہ 23 رنز بنا کر آؤٹ ہوئے، لیکن فنچ ایک جانب ٹکے رہے اور رواں عالمی کپ میں اپنی تیسری سنچری مکمل کی۔
سنچری مکمل کرتے ہی تیزی سے رن بنانے کی کی کوشش میں 100 رنز پر آؤٹ ہو گئے۔
بعد ازاں اسٹیو اسمتھ نے 38 رنز اور الیکس کیری نے 38 رنز بنا کر ٹیم کا اسکور مضبوط کیا۔
انگلینڈ کی جانب سے کرس ووکس نے دو وکٹیں حاصل کیں جبکہ جوفرا آرچر، مارک ووڈ، بین اسٹوکس اور معین علی نے ایک ایک وکٹ حاصل کی۔
آسٹریلیا کے کپتان ارن فنچ کو ان کی شاندار بلے بازی کے لیے مین آف دی میچ کے ایوارڈ سے نوازا گیا۔
