افغانستان کے اسپنر مجیب الرحمان کورونا وائرس سے متاثر

افغانستان کے آف اسپنر مجیب الرحمان کورونا وائرس سے متاثر ہو گئے ہیں۔ وہ آسٹریلیائی گھریلو ٹی 20 ٹورنامنٹ بگ بیش لیگ کے لیے یہاں پہنچے تھے اور اس وقت کوئنس لینڈ کے ایک ہوٹل میں کوارنٹین میں رہ رہے ہیں۔

19 سالہ مجیب الرحمان بگ بیش میں برسبین ہیٹ کے لئے کھیل رہے ہیں۔ ان کی ٹیم نے ایک بیان جاری کرتے ہوئے کہا کہ عالمی نمبر دو ٹی 20 کے گیندباز مجیب الرحمان گذشتہ ہفتے ہی برسبین پہنچے تھے لیکن کوارنٹین کے دوران انہیں کچھ علامات نظر آنے لگے ۔ وہ کوئنس لینڈ ہیلتھ محکمہ کی نگرانی میں ہیں ۔ان کا اپنی ٹیم کے لئے شروعاتی دو میچوں میں کھیلنا مشکل ہوگا۔

کوئنس لینڈ کرکٹ کے سی ای او ٹیری سوینسن نے بیان جاری کرتے ہوئے کہا ، ’’ ہم ٹورنامنٹ کو محفوظ ماحول میں کرانے کے لئے متعلقہ حکام کے ساتھ مل کر کام کررہے ہیں۔ مجیب الرحمان نوجوان ہیں اور اپنے گھر سے دور ہیں۔ ہم ان کا مکمل خیال رکھ رہے ہیں۔

یو این آئی