ولیمسن نے 154 گیندوں میں 148 رنز جبکہ راس ٹیلر نے 69 رنز بنائے اس کے علاوہ دیگر کوئی بھی بلے باز زیادہ دیر کریز پر نہیں ٹک سکا۔
اس سے قبل ویسٹ انڈیز نے ٹاس جیت کر گیندبازی کا فیصلہ کیا تھا جسے اس کے تیز گیند باز شیلڈن کوٹریل نے درست ٹھہراتے ہوئے پہلے ہی اوور میں مارٹن گپٹل اور کولن منرو کو آؤٹ کر دیا تھا۔
شروعاتی جھٹکوں کے بعد ولیمسن اور راس ٹیلر نے 160 رنز کی پارٹنرشپ کر کے ٹیم کو شروعاتی بحران سے نکالا۔
ویسٹ انڈیز کی جانب سے شیلڈن کاٹریل نے بہترین گیندبازی کی اور 4 کھلاڑیوں کو پویلین کی راہ دکھائی جبکہ کارلوس بریتھویٹ نے 2 اور کرس گیل نے ایک وکٹ حاصل کیا۔
