بنگلہ دیش کی ٹیم (Pakistan Cricket Team) سے ثاقب الحسن (Shakib Al Hasan) کے باہر ہونے پر چیف سلیکٹر منہاج العابدین نے کہا کہ ثاقب کو صحت یاب ہونے میں وقت لگ سکتا ہے، اس کا مطلب ہے کہ وہ پاکستان کے خلاف پوری ٹیسٹ سیریز سے باہر ہو سکتے ہیں۔
عابدین نے کہا کہ ثاقب کی ہیمسٹرنگ کی انجری (Hamstring Injury) مکمل طور پر ٹھیک نہیں ہوئی ہے۔ ثاقب کو ابھی بھی آرام کی ضرورت ہے۔ ہمارے فزیو مسلسل ان کی دیکھ بھال کر رہے ہیں۔ وہ پہلے ٹیسٹ کے لیے دستیاب نہیں ہوں گے۔ ہم اس بارے میں بھی پراعتماد نہیں ہیں کہ وہ دوسرا ٹیسٹ کھیل پائیں گے۔
انہوں نے کہا کہ فزیو ہی ہمیں اس کے بارے میں بتائیں گے۔ ہم نے جب سے 16 رکنی ٹیم کا انتخاب کیا ہے تب سے ہم نے شکیب کی جگہ ان کی پوزیشن جانے بغیر کسی کو منتخب نہیں کیا ہے۔
ثاقب ٹی 20 ورلڈ کپ (T20 World Cup) میں بنگلہ دیش کے آخری دو میچ بھی نہیں کھیلے تھے۔ اس کے علاوہ وہ پاکستان کے خلاف تین ٹی 20 میچوں کی سیریز میں بھی ٹیم کا حصہ نہیں تھے۔
یہ بھی پڑھیں: میدان پر غصہ دکھانا ثاقب کو مہنگا پڑ گیا
ایک سال کی پابندی سے واپسی کے بعد ثاقب نے ورلڈ ٹیسٹ چیمپئن شپ کا صرف ایک ٹیسٹ فروری میں ویسٹ انذڈیز کے خلاف کھیلا ہے، اس میچ میں بھی وہ درمیان میں زخمی ہوگئے تھے۔ جولائی میں زمبابوے کے خلاف ثاقب پچھلی بارہرارے ٹیسٹ میں اترے تھے۔
یو این آئی
