عالمی نمبر ایک بیڈمنٹن کھلاڑی کورونا متاثر

دنیا کے نمبر ایک مرد بیڈمنٹن کھلاڑی جاپان کے کینٹو موموٹا کورونا وائرس سے متاثر ہوگئے ہیں۔

جاپان بیڈمنٹن ایسوسی ایشن نے اطلاع دی کہ کورونا سے متاثر ہونے کے بعد کینٹو موموٹا رواں ماہ تھائی لینڈ اوپن میں نہیں کھیلیں گے۔ تھائی لینڈ اوپن بیڈمنٹن ٹورنامنٹ 12 جنوری سے منعقد ہوگا۔

تفصیلات کے مطابق موموٹا کا جاپان ٹیم کے دیگر اراکین کے ساتھ تھائی لینڈ روانہ ہونے سے پہلے نریتا ایئر پورٹ پر ٹیسٹ کیا گیا تھا جہاں ان کی رپورٹ مثبت آئی ہے۔ تاہم ٹیم کا کوئی دوسرا کھلاڑی اس سے متاثر نہیں پایا گیا ہے۔