بھارت کی ٹاپ سیڈ سائنانہوال سمیت دیگر اسٹار بیڈمنٹن کھلاڑیوں کی مایوس کن کار کردگی کی بدولت تھائی لینڈ ماسٹرز میں بھارت کا پہلے ہی راؤنڈ میں چئلنج کا ختم ہوگیا۔
پانچویں سیڈ كدامبي سری کانت ،سائنا نہوال، سمیر ورما اور ایچ ایس پرنے کی بدھ کے روز پہلے راؤنڈ میں شکست کے ساتھ ہی تھائی لینڈ ماسٹرز بیڈمنٹن ٹورنامنٹ میں بھارت کا چیلنج مایوس کن طریقے سے ختم ہو گیا۔
بھارتی کھلاڑیوں کا نئے سال میں ملائیشیا ماسٹرز اور انڈونیشیا ماسٹرز میں خراب کارکردگی کا سلسلہ تھائی لینڈ ماسٹرز میں بھی برقرار رہا اور اس ٹورنامنٹ میں تمام بھارتی کھلاڑی پہلے راؤنڈ میں ہی باہر ہو گئے۔
پانچویں سیڈ سری کانت کو انڈونیشیا کے شیسر ہرین رستاوتو کے ہاتھوں 48 منٹ میں 21-12، 14-21، 12-21 سے شکست کا سامنا پڑا جبکہ سمیر ورما ملائیشیا کے لی جی جیا سے 39 منٹ میں 16-21، 15-21 سے ہار گئے۔
پرنے کو ملائیشیا کے لیو ڈیرن نے ایک گھنٹے آٹھ منٹ میں 21-17، 20-22، 21-19 سے شکست دی۔
خواتین کے زمرے میں پانچویں سیڈ سائنا کو ڈنمارک کی لائن هوجمارك كایرفیلٹ نے 47 منٹ میں 21-13، 17-21، 21-15 سے شکست دی۔
