دارالحکومت دہلی میں شوہر کے ساتھ گھر لوٹ رہی ٹی وی اداکارہ کا بدمعاشوں نے چھ کلو میٹر تک پیچھا کیا۔ یہی نہیں بے خوف ہو کر اداکارہ کے گھر میں گھس گئے اور کافی دیر تک اہل خانہ کے ساتھ بدسلوکی کرتے رہے۔ موقع پر پہنچی پولیس نے چاروں بدمعاشوں کو گرفتار کر لیا ہے۔ واردات پرشانت وہار تھانہ علاقہ کی ہے۔ پولیس ملزمین سے پوچھ گچھ کر رہی ہے۔
مشہور ٹی وی سیریئل 'دیا اور باتی ہم' میں کام کر رہی اداکارہ اپنے شوہر کے ساتھ روہنی میں رہتی ہیں۔ انہوں نے کئی ٹی وی سیریئل و فلموں میں کام کیا ہے۔ اتوار کی رات کو وہ اپنے رشتہ دار کے گھر سے واپس آ رہی تھیں۔ رات تقریبا ڈیڑھ بجے جیسے ہی وہ پیتم پورہ واقع مہاراجا اگرسین انٹرنیشنل اسکول پہنچیں تو کار سوار بدمعاشوں نے ان کا پیچھا کرنا شروع کیا۔
یہ بھی پڑھیں: شوٹنگ کے دوران اداکارہ منی بھٹاچاریہ زخمی
اداکارہ کے اہل خانہ نے اس بات کی جانکاری پرشانٹ وہار تھانہ پولیس کو دی۔ موقع پر پہنچی پولیس نے چار لوگوں کو گرفتار بھی کر لیا۔ پولیس کو ابھی تک یہ پتہ نہیں چل پایا ہے کہ ان لوگوں نے اداکارہ کا پیچھا کیوں کیا؟
