کورونا وائرس کی وجہ سے اس سال مقبول ترین گیم شو کے بی سی کے نئے سیزن کا رجسٹریشن آن لائن کے ذریعہ ہورہا ہے۔
گزشتہ روز سے کے بی سی کے سوالوں کا سلسلہ جاری ہے۔ٹی وی چینل نے ٹوئیٹ ہینڈل پر کے بی سی رجسٹریشن کا 11واں سوال شیئر کیا ہے جس کا جواب بی آر چوپڑا کی 'مہا بھارت' میں چھپا ہوا ہے۔
شو کے میزبان امیتابھ بچن کے ساتھ ویڈیو کی شروعات ہوتی ہے، جس میں وہ پہلے سپنے کو دیکھنے اور اس کے پورے ہونے کی اہمیت پر بات کرتے ہیں۔
پھر سوال پوچھتے ہیں کہ مکھیش کھنہ نے بی آر چوپڑا کے ٹی وی شو 'مہابھارت' میں کون سا کردار ادا کیا تھا؟
جواب کے لیے چار آپشن بھی دیے گئے ہیں۔اے :ارجن، بی: بھگوان کرشن، سی: بھیشم، ڈی:بھیم
اگر آپ نے لاک ڈاؤن کے دوران دوردرشن پر دوبارہ نشر کیے جانے پر مہا بھارت دیکھا ہوگا تو یہ سوال آپ کے لیے بہت آسان ہے۔
ناظرین کو اس سوال کا صحیح جواب بھیجنے کے لیے آج یعنی 20 مئی رات 9 بجے تک کا وقت دیا گیا ہے۔سوال کا جواب ناظرین ایپ یا میسج کے ذریعہ دے سکتے ہیں۔
