بالی ووڈ اداکارہ کرینہ کپور خان اپنی پہلی کتاب کرینہ کپور خان کی پرِگننسی بائبل کے عنوان سے قلمبند کرنے کے لئے تیار ہیں۔ یہ کتاب حمل کے لئے ایک جامع گائڈ ہوگی اور اگلے سال منظرعام پر آئے گی۔
کرینہ نے یہ اعلان اتوار کو اپنے بیٹے تیمور علی خان کی چوتھی سالگرہ کے موقع پر کیا۔
انہوں نے کہا کہ "آج اپنی کتاب کرینہ کپور خان کی پرِگننسی بائبل کے بارے میں اعلان کرنے کے لیے سب سے مناسب دن ہے۔ یہ کتاب تمام ماؤں کے لیے ہے یا جو ماں بننے والی ہیں۔ میں اس کتاب میں صبح کی پریشانی (مارننگ سِکنس) سے لے کر ڈائٹ تک اور فٹنس سے لے کر ماں بننے تک ہر پہلو پر بات کروں گی۔ میں اس کو پڑھنے کے لیے آپ کو مزید انتظار نہیں کرا سکتی۔ یہ کتاب جگرناٹ بکس کے ذریعہ 2021میں شائع کی جائے گی۔
کرینہ کپور بالی ووڈ اداکار سیف علی خان کے ساتھ ازدواجی رشتے میں ہیں۔ ان دونوں کو ان کے مداح سیفینا کے نام سے پکارتے ہیں۔ ان دونوں کی شادی 2012 میں ہوئی۔ انہوں نے 2016 میں اپنے پہلے بچے تیمور کو جنم دیا۔
کرینہ کپور فی الحال دوسری بار امید سے ہیں اور وہ اکثر اپنے بیبی بمپ کی تصاویر سوشل میڈیا پر شیئر کرتی رہتی ہیں۔
مزید پڑھیں:
اداکارہ نصرت بھروچہ فلم کی شوٹنگ کے دوران روپڑیں
کرینہ اور سیف نے 12 اگست کو اعلان کیا تھا کہ وہ اپنے دوسرے بچے کی توقع کر رہے ہیں۔ اداکارہ نے حال ہی میں دہلی میں عامر خان کے ساتھ آنے والی اپنی اگلی فلم لال سنگھ چڈھا کی شوٹنگ مکمل کی۔
