تین جولائی 1962 کو نیو یارک کے سریکس میں پیدا ہونے والے ٹام کروز 59 برس کے ہو گئے ہیں حالانکہ ٹام کروز اس عمر میں بھی سب سے زیادہ پسند کیے جانے والے اداکاروں میں سے ایک ہیں۔
انہوں نے مشن امپاسبل کی سیریز میں بہترین اداکاری کے ذریعے منفرد شناخت بنائی ہیں۔ 1996 کے بعد 2000، 2006، 2011 اور 2018 میں مشن امپاسبل کے کئی پارٹ ریلیز ہو چکے ہیں۔ اب اس کا اگلا پارٹ بھی ریلیز ہونے والا ہے۔ ٹام کروز نے ان سبھی سیریز میں بہترین اداکاری سے مداحوں کا دل جیت لیا ہے۔
ٹام کروز فلم ٹاپ گن سے مشہور ہوئے جس نے باکس آفس پہ 176 ملین ڈالرز کا کاروبار کیا تھا۔
اس کے علاوہ انھیں جیری میگ وائر، بورن آن دی فورتھ آف جولائی، میگنولیا اور اے فیو گڈ مین میں بہترین اداکاری کی وجہ سے کافی مقبولیت حاصل ہوئی۔
اپنی بہترین اداکاری کے دم پر ٹام کروز تین گولڈن گلوب ایوارڈ حاصل کر چکے ہیں اور تین بار اکیڈمی ایوارڈ کے لیے نامینیٹ ہو چکے ہیں۔
مزید پڑھیں: ٹام کروز کی فلم مشن امپاسبل کے لئے کورونا وائرس سے پاک گاؤں کی تیاری
منفرد اداکاری، خطرناک اسٹنٹ کی وجہ سے مداحوں کو اپنا دیوانہ بنانے والےٹام کروز کے آج دنیا بھر میں لاکھوں دیوانے ہیں۔
