بالی ووڈ کے مشہور اداکار امیتابھ بچن نے کووڈ 19کی وجہ سے نافذ لاک ڈاؤن کے دوران مقبول ترین شو کون بنے گا کروڑ پتی کی شوٹنگ شروع کردی ہے ۔
حال ہی میں ان کے ذریعہ کیے گئے بلاگ پوسٹ کو دیکھ کر یہ معلوم ہوا کہ سماجی دوری کے قانون پر عمل نہیں کرنے کی وجہ سے انہیں لوگوں کی تنقید کا سامنا کرنا پڑا جس کی وجہ سے وہ بے حد پریشان ہیں۔
انہوں نے پوسٹ میں صفائی دیتے ہوئے کہا کہ سبھی احتیاطی تدایبر کو اختیار کرتے ہوے اس کی شوٹنگ کی گئی ہے۔
انہوں نے اپنے بلاگ میں لکھا کہ ہاں میں نے کام کیا ہے۔اس سے پریشانی ہے، تو اسے اپنے تک ہی محدود رکھیں۔۔لاک ڈاؤن کی اس صورتحال میں یہاں کچھ کہنے کی کوشش نہ کریں ۔مکمل طور پر احتیاط برتی گئی ہے۔دو دن کے کام کو ایک ہی دن میں نمٹایا گیا ہے۔شام کے چھ بجے کام شروع کیا گیا ہے اور کچھ ہی دیر میں ختم کر لیا گیا ہے۔
واضح رہے کہ لاک ڈاؤن کے دوران کے بی سی کی شوٹنگ کرنے پر کئی لوگوں کی جانب سے سوال اٹھائے گئے تھے۔
