گلوکار ہنی سنگھ کے خلاف ان کی اہلیہ شالنی تلوار نے جنسی و گھریلو تشدد سمیت متعدد الزامات عائد کیے ہیں اور ان پر مقدمہ بھی کردیا ہے۔
دہلی کی تیس ہزاری کورٹ میں بالی ووڈ گلوکار یو یو ہنی سنگھ کی اہلیہ نے گھریلو تشدد ایکٹ کے تحت ان کے خلاف مقدمہ دائر کیا ہے۔
میٹروپولیٹن مجسٹریٹ تانیا سنگھ نے درخواست کی سماعت کرتے ہوئے ہنی سنگھ کو نوٹس جاری کیا ہے۔ عدالت نے 28 اگست تک جواب داخل کرنے کی ہدایت کی ہے۔
ہنی سنگھ کی اہلیہ شالنی تلوار نے اپنے شوہر پر کئی سنگین الزامات عائد کیے ہیں۔ درخواست میں ہنی سنگھ پر جسمانی تشدد، جنسی تشدد اور ذہنی ہراساں کرنے کا الزام لگایا گیا ہے۔ درخواست میں ہنی سنگھ کی بیوی نے ان کے والدین اور بہن پر گھریلو تشدد میں ملوث ہونے کا بھی الزام عائد کیا ہے۔
شالنی تلوار کے وکیل نے کہا کہ چیف میٹروپولیٹن مجسٹریٹ تانیہ سنگھ نے ہنی سنگھ کو نوٹس جاری کیا ہے، انہیں ہدایت دی ہے کہ وہ اپنے کلائنٹ کو نوئیڈا میں مشترکہ ملکیت والی جائیداد سے الگ نہ کریں یا فروخت نہ کریں۔ اس کے علاوہ بیوی کے زیورات اور دیگر اشیاء کو بھی فروخت نہ کریں۔
تلوار نے اپنی درخواست میں دہلی میں مکمل طور پر بہترین مکان کے لیے 10 کروڑ روپے معاوضہ کے ساتھ ساتھ 5 لاکھ روپے ماہانہ مانگا ہے تاکہ وہ اپنی بیوہ ماں پر منحصر نہ رہیں۔
