'کنگنا رناوت کے ساتھ فلم بنانا چاہتا ہوں'

کرن جوہر اور کنگنا رناوت کے مابین نا اتفاقی کی خبریں سرخیوں میں رہتی ہیں۔

بالی ووڈ کے مشہور فلمساز کرن جوہر اداکارہ کنگنا رناوت کے ساتھ فلم بنانا چاہتے ہیں۔ کرن جوہر اور کنگنا رناوت کے مابین نا اتفاقی کی خبریں سرخیوں میں رہتی ہیں۔ دونوں ایک دوسرے پر کمنٹس کرنے کا کوئی موقع نہیں چھوڑتے۔ کرن جوہر نے کنگنا رنوت کو پدم شری ایوارڈ ملنے پر اپنی رائے کا اظہار کیا ہے۔

کرن جوہر نے کہا ’’کنگنا اور میرے درمیان کسی بھی طرح کی دشمنی یا تناؤ کے بارے میں بہت کچھ کہا گیا ہے لیکن جب بھی ہم ملتے ہیں تو ایک دوسرے کو شائستگی کے ساتھ مبارکباد دیتے ہیں'۔

انہوں نے کہا 'بطور فلم ساز وہ کنگنا کی صلاحیتوں کا احترام کرتے ہیں۔ وہ ایک ایسی اداکارہ ہیں جنہوں نے خود کو ثابت کیا ہے اور وہ اس احترام کی مستحق ہیں'۔

کنگنا نے کہا 'آئندہ اگر ان کے پاس کوئی فلم ہے اور جس کے لئے انہیں کنگنا کی ضرورت ہو گی تو وہ انہیں فون کئیں گے'۔

انہوں نے مزید کہا 'جو بھی پیچیدگی ہے، سوشل میڈیا پر جو بھی کہا گیا ہے وہ ان کے لئے کوئی معنی نہیں رکھتا ہے۔ وہ ایک فلمساز ہیں اور کنگنا ایک فنکارہ ہیں اور اس رشتے میں ذاتی چیزیں نہیں آنی چاہیے۔ انہیں اس پر یقین ہے اور وہ اسی کے ساتھ کھڑے رہیں گے'۔