بالی وڈ کے اداکار ورون دھون ان دنوں اپنی آنے والی فلم 'اسٹریٹ ڈانسر 3 ڈی' کے لیے جم کر محنت کر رہے ہیں۔
گذشتہ کئی روز سے وہ سردی اور بخار سے پریشان ہو رہے تھے لیکن تھوڑی راحت ملنے پر وہ فلم کے سیٹ پر پہنچے اور لگاتار 18 گھنٹے تک شوٹنگ کی۔ شوٹنگ کرنے کے بعد وہ اچانک اسٹیج پر گر پڑے جس کے فوراً بعد فلم ہدایت کار ریمو نے ڈاکٹر کو بلایا۔
ڈاکٹر نے بتایا کہ ان کا بلڈ پریشر کم ہو گیا تھا جس کے سبب وہ گر پڑے، انہیں ابھی آرام کی سخت ضرورت ہے۔
ڈاکٹر کے مشورے کے بعد ہدایت کار ریمو نے شوٹنگ کا پروگرام دو روز کے لیے منسوخ کر دیا ہے۔
