ورون اور نتاشا کی شادی کی تقریب ممبئی سے متصل شہر علی باغ کے مینشن ہاؤس ریزارٹ میں منعقد ہوئی جس میں ان کے اہلخانہ کے علاوہ صرف قریبی دوست شامل ہوئے۔
نتاشا دلال کے ساتھ رشتہ ازدواج میں منسلک ہونے کے فوراً بعد ورون دھون نے شادی کی تقریبات کی تصاویر سوشل میڈیا پر شیئر کیں۔
شادی کی تصاویر کے ساتھ ورون نے لکھا 'طویل عرصے کی محبت بالآخر شادی میں تبدیل ہوگئی'۔
ایک تصویر میں یہ جوڑا ہندو رسم و رواج کے مطابق شادی کے سات پھیرے لیتا ہوا نظر آرہا ہے تو وہیں دوسری تصویر میں یہ دونوں ایک دوسرے کا ہاتھ تھامے بیٹھے ہیں اور ان کی فیملی ان پر پھول برسا رہی ہے۔
سوشل میڈیا پر تصاویر شیئر کرنے کے بعد سے ورون دھون کو مبارکبادی کے پیغام موصول ہونے لگے جس میں بالی وڈ کی شخصیات بھی شامل ہیں۔
ورون اور نتاشا کی شادی میں بالی وڈ کے مشہور ڈائیریکٹر کرن جوہر اور معروف فیشن ڈیزائنر منیش ملہوترا بھی نظر آئے۔
