وانی کپور ان دنوں کرن ملہوترا کی ہدایت میں بن رہی فلم 'شمشیرا' میں سنجے دت اور رنبیر کپورکے ساتھ کام کررہی ہیں۔
یش راج فلم پروڈکشن بینر کے تحت بننے والی اس فلم میں سنہ 1800کا زمانہ دکھایا گیا ہے۔ یہ فلم ڈاکوؤں کے ایک گروہ پر مبنی ہے جو اپنے حقوق ملک کی آزادی کے لیے انگریز حکومت سے لوہا لیتا ہے۔
وانی کپور نے سنجے دت اور رنبیر کپور کی تعریف کی ہے۔انہوں نے دونوں کو بہترین اداکار اور انسان بتایا ہے۔انہوں نے کہاسنجے سر بےحد پیارے انسان ہیں۔جن اداکاروں کی فلمیں دیکھنا میں پسند کرتی ہوں ان میں سے ایک رنبیر ہیں اور میں نے ہمیشہ ایک مداح کے طورپر ان کے کام کی ستائش کی ہے۔
